لعبه منتدى لمن يجروء ارجو عدم دخول ضعاف الشخصيه

حقيقي ميرسي ميرسي على كلامك الجميل ده
وبجد مش حقدر أقول آي حاجة بعد اللي انت قلته غير ربنا يخليك لينا
وحقيق انت تستاهل كل خير وتستاهل التقدم والتميز اللي انت فيه وتستاهل المنصب
اللي انت فيه وبجدااااااااااااااااااااارة ...
نفطرد انك راكبه اتوبيس او تاكسي اى موصلات عمتا ومش لقيتي معاكى فلوس هتعملى ايه؟
سؤالك طبعا داه لو حصلي في الحقيقة ده ممكن أموت فيها
ههههههههههههههههههههه
بس هو لو كنت في تاكسي حستنى لما أوصل المكان اللي رايحاه وأطلع أجيبلوا فلوس
لكن لو في اتوبيس مش عارفة ممكن أعمل اية ؟؟؟ مش قادرة أتخيل لانها عمرها ما حصلت
واتطمن ولا حتحصل ان شاء الله لاني قبل ما بنزل وقبل ما بركب المواصلات بطلع الفلوس الأول
انا عاملة حساب لكل حاجة جااااااااااااااااهزة دايما والحمد لله ...
بتؤمن بالأبراج ؟؟؟

ظاهره في الشارع المصري تتمنى زوالها؟
كتييييييييييييييييير والله
حقولك اية ولا اية
بس أكتر حاجة نفسي تختفي هي :
ظاهرة التقليد الأعمى كلوا بيقلد بعض اللي بيقلدوا الممثلين واللي بيقلدوا الغرب
واللي بيقلدوا بعض ويقولك ديه موضة واللي يقولك روشنة , طيب وفين شخصيته
هو المنفرد بيها هما عايشين في الدنيا للتقليد اللي من غير هدف ومن غير ما يناسب شخصيته ..

ما رأيك في لبس البنات هذه الايام ؟؟؟

انت ما تتأسفش خالص كلامك ده حاجة بسيطة من اللي انا عاوزة اقولوا
لاني متضايقة جدااااااااااااااااا من لبس البنات الايام دول .
ميزه كويسه في شباب الايام دى من وجهة نظرك؟
والله انا ساعات بلاقي شباب كتير مشاغبين وفيهم سلبيات كتييييييييييرة أوي
بس ساعات بلاقيهم في مواقف معينة عندهم احساس وطيبين وعندهم قلب
وساعتها ببقى فرحانة أوي لما ألاقي شاب رغم شغبه بيعدي واحدة كبيرة في السن الشارع
أو يقوم يقعد واحد عجوز في المواصلات ساعتها بحس انهم فعلا محتاجين للمساعدة
وان جواهم أشخاص طيبين بس الطبيعة فرضت عليهم كده ..

عضو لما بيغيب بتحس ان المنتدى ناقص حاجة ؟؟؟

ههههههههههههههههههه
ليه كده بس داه انا ما صدقت خلصت المتحانات حتفكرني ليه
بس حجاوبك بردوا
ماده تكرهيها اوى؟
انا من وأنا في المدرسة بكره كل المواد اللي عاوزة حفظ يعني انا
مش بحب ولا التاريخ ولا الجغرافيا ولا آي مادة فيها حفظ
أحب المواد اللي فيها فهم الرياضيات , الحصاء ، الفيزياء ... كده يعني .

وسؤالي عكس سؤالك :
مادة كنت بتحبها أوي وانت صغير ؟؟

اجمل مرحله تعليميه مرت بيكى؟
اجمل مرحلة تعليمية هى الابتدائي طبعا
ولا كان فيه مشاكل ولا دروس خصوصية ولا حاجة وكان
فيه تفوق ودرجات عالية وكان فيه صحاب زي العسل وايام
عمرها ما تتنسي ابدااااااااااا ..

أجمل مرحلة عمرية مريت بيها ؟؟؟

بتعترفي بي اخطائك ؟
مممممم طبعا لاني لما بعترف بيها بيبقى صعب عليا اني أكررها مرة تانية ..

أجمل صدفة حصلت في حياتك ؟؟؟

بصراحة انا اجمل صدفة في حياتي هى لما أبقى ماشية
في الشارع وبفكر في حد وفجأة ألاقيه قدامي .. حقيقي بتبقى أجمل صدفة .

حاجة بتحبها في المنتدى ؟؟؟

لونفطرد ان الحياه كلمه تبقي ايه؟
الحياة حب
الحياة أمل
الحياة كفاح
الحياة تعاون

أكتر حيوان بتحبه ؟؟؟

عضو تنتظرى ردوده ؟
انت وساسو
لان بصراحة بثق في كلامكم جداااااااااااا
وبستمتع حقيقي بردودكم أوي أوي

قصة فيلم أثرت فيك جدااااااااااااا ؟؟؟

صباح الفل على اجمل اعضاء المنتدى .
ويارب يبقى يومنا كله سعادة في سعادة
من غير ولا حزن ولا كآبة
هههههههههههههههههه
مطرب او مطربه بتكرهى حتى صوتو اةو صوتها ؟؟؟
اية السؤال ده يا تيتو
انت عاوزنا نغلط ونروح خلف الاسوار
هههههههههههههههههههه
المهم انا مش بحب دانا عشان بتعصبني جداااااااااااا

أجمل يوم في حياتك ؟؟؟

أحب في الأول أرحب بـ fun angel وحقيقي منورة التوبيك يا قمر
ومنتظرين مشاركاتك وتفاعلك معانا ..
ماهى اكبر تضحيه ضحتيها بحياتك؟
سؤالك جاااااااااااامد يا تيتو
واكبر تضحية في حياتي اني اتخليت عن بعض مبادئي اللي كنت
مؤمنة بيها وده طبعا عشان العلاقة بيني وبين اللي بحبهم تستمر وده طبعا
كان صعب اوي اوي عليا ....

سؤالي :
حلم نفسك يتحقق بس مش ليك لحد تاني ؟؟؟