... " لو كنت مكاني "...جاااااامد كله يدخل بسرعة

*بصوا يا جماعة أنا جايلكم النهاردة بفكرة جديــــــــدة وجــــــــامدة جدا
واتمنى تعجبكم وكلكم تشاركوني فيها ,,,
- طبعا كلنا حياتنا ماليانا مشاكل سواء مشاكل عاطفية أو مشاكل في الحياة عامة,
سواء مشاكل خاصة بينا أو خاصة بصحابنا أو سمعناها في برنامج معين .


وهى ديه فكرة موضوعي " ... لو كنت مكاني ..."


-- احنا كل واحد عنده مشكلة يحكيلنا عنها (مش شرط تكون مشكلتك الخاصة ممكن تكون مشكلة سمعت عنها في برنامج او تكون مشكلة حد من صحابك كده يعني او حتى مشكلة خطرت على بالك وعاوز تعرف ممكن نحلها ازاي ) ...

وكلنا حندخل نجاوب ونفكر في حل المشكلة كأنها حصلت لنا بالفعل وحنروح متخيلين نفسنا في المشكلة ديه ونجاوب لو كنا مكان صاحب/صاحبة المشكلة حنتصرف ازاي ..


وحنفضل على كده لحد ما تجيلنا مشكلة تانية وهكذا , وكل ما حد يجي في باله مشكلة يدخل ويقولها فورا من غير آي تردد ..


المشاكل حتبقى فيه خصوصيه تامة يعني مش مطلوب من آي عضو انه يقولنا ديه مشكلة مين لان موضوعنا هو اننا نعرض مشاكل ونلاقيلها حلول مش اننا نعرف ديه مشاكل مين ..


ومن حق كل عضو يقول رأيه في كل المشاكل اللي عرضت في الموضوع يعني مش شرط كل واحد يجاوب على مشكلة اللي قبله وبس يعني لاء من حقك تجاوب حتى على كل المشاكل بس تبقى تحددلنا حلك داه يخص انهى مشكلة .


مممممممممم
فهمتوني يا جماعة ..


*صدقوني الفكرة ديه ممكن تغير تفكيرنا تجاه حل مشاكلنا لاننا حنشوف حلول كتيرة لمشاكل
كتيرة وأكيد حيبقى عندنا حلول كتيرة ممكن تكون عمرها ما خطرت على بالنا وبكده كلنا حنستفيد وممكن يجي يوم وتلاقي نفسك في مشكلة من اللي احنا عرضناها هنا وساعتها حيبقى عندك كمية حلول كتيرة جداااااااااااا وابقى ساعتها اختار اللي يناسبك ...


اعتبروا نفسكم في برنامج أنا والنجوم وهواك ههههههههههههه
حنعرض المشكلة بس الاعضاء والمشرفين هما اللي حيجاوبوا ويحلوها
مش اسامة منير
ههههههههههههههههه


على العموم انا منتظره ردودكم
ورأيكم على الفكرة عشان نبدأ بسرعة في التنفيذ
ونشوف مين أول واحد حيقولنا مشكلة ,,

*ولو فيه آي استفسار أوفكرتي مش مفهومة قولولي عليه
وأنا حبقى أوضحلكم الفكرة مرة تانية*

بالنسبة للمشكلة اللي انتي عرضتيها يا مرمر أنا سمعتها كتير وكانت بتضايقني جدا
ودايما كنت بسأل نفسي ليه لما يكون فيه اتنين بيحبوا بعض ليه بعد فترة الحب داه بيتغير
أو ليه طرف منهم ممكن يتغير وليه طرف يفضل يعطي كل حاجة والطرف التاني ياخد بس .

انا معاكي ان ممكن تكون عند الشخص داه ظروف بس سوري يعني أكيد حياته مش
24 ساعة ظروف ومشاكل لازم يعرف ان في انسانة حبيته وهو كمان حبها
يعني لازم يبقى فيه بينهم اهتمام متبادل مش لما يبقى فاضي يرجعلها
ولما يبقى مشغول يسيبها .
وبالتالي فأنا لو كنت مكانها حطلب أول حاجة اني أقابل الشخص اللي بحبه
وحقولوا على كل حاجة ولازم أعرفه اني لازم أكون جزء كبير من حياته
وأعرفه ان ليا واجبات وحقوق عليه . وأقوله انه انا مش لعبة
يجيلي لما يبقى فاضي ويرميني لما يبقى مشغول .
وحقوله ان لازم يبقى فيه حدود للعلاقة ديه
ولازم يعرف يفصل بين حياته وظروفه وبين الانسانة اللي مرتبط بيها
لان زي ما هي بتهتم بيه وعاطيالوا كل حاجة من حقها انها كمان تحس
ان فيه حد بيهتم بيها وبيديها كل الحب اللي محتاجاه ..
وحقوله ان لو استمر الوضع كده يبقى كل واحد من طريق عشان انا كمان أشوف حياتي
لان كل انسان ليه طاقة , أه ممكن أفضل أدي كل حاجة للقدامي بس
حييجي يوم وأزهق وححس اني محتاجة اني أخد ولو مرة واحدة .
هى ديه الحياة أخد وعطاء .


*وبناء على كلامه حقرر اذا كان بيحبني يبقى مش حيقدر يسيبني يبقى حيخاف عليا وحيخاف اني أضيع منه وبالتالي يبقى حيغير من نفسه وحيرجع زي الاول وحيهتم بيا ..
وأما لو فضل زي ما هو ورجع تاني للي هو بيعملوا
يبقى مش بيحبني لانه ما حاولش انه يتغير ويعمل حاجة عشاني
يبقى حنهي العلاقة وحسيبوا قبل ما يجي اليوم وهو اللي يسيبني ...


- لان اللي بيحب حد بيخاف يضيع منه وعشان كده ممكن يعمل المستحيل عشان يتغير ويحافظ على حبيبه , أما اللي مش بيحب بيفضل يبرر موقفه ويقول ظروف ومشاكل ويفضل
يعيش اللي بيحبها في عذاب وآلام وتفكير
لحد ما اللي بيحبها تزهق وفي النهاية يسيبوا بعض ..


بس يعني الحل باختصار:
اني أقابله وأحاول اني أضع حدود للعلاقة وأعرفه بكل حاجة بصراحة وعلى حسب تصرفه معايا بعد المقابلة ححكم عليه اذا كان بيحبني ولا لاء ..
بس خلاص ,,,