عن ظاهره سيئه تتمنى زوالها . . . .

السلام عليكم ورحمة الله وبركاتة

أكتب عن ظاهره سيئه تتمنى زوالها . . . .

لايـخـلــوا مجـتـمــع بشــري في هذه الدنـيــا مــن ظواهــر اجتماعـيـــه سلبـيــه

ولكــن لا أحــد منــا يقـبـــل بالســـيء مــــن تلــك الظــواهــر

المصارحــه في هذا الموضوع هي الطريــق الآمـــــن لتفاديها

((إن الله لايـغـيــــــر مابـقــــــوم حتى يغــيـــروا مابأنــفــســهــــم ...... ))

في مجـتـمـعــاتـنــــــا عــدة ظــواهــر سلبـيـــــه تشوه صورتنا كمسلمين ,, ولكن ماهي ...؟؟؟

شاركــــــوا برأيـكـــــــم واكـتـبـــوا عـن ظاهـــرة سلبـيـه تـتـمنـــــــون زوالها ..

ومالحل ايضا لهذه الظاهرة .....

في كتير طبعا بس خليني اقولك اول ظاهرة نفسي
تختفي لانها بجد زادت اوي اوي وهى :
" الزواج العرفي "
نسبة الزواج العرفي في مصر بقيت كتيرة جدا
وداه بيرجع لاسباب كتيرة :
الفقر , الاختلاط في الجامعات , التربية الخاطئة ,
انفصال الوالدين , بعد الابناء عن الوالدين , البعد
عن الدين وثقافة المجتمع ومعاييره , الانترنت ,
ووسائل الاعلام , النفتاح عن العالم ..

وللأسف الشباب فاكرين ان الزواج العرفي طريق سهل
عشان يشبعوا دوافعهم بطريقة غير شرعية
بي للأسف هما بردوا ما يعرفوش ان الزواج العرفي اول الطريق
لباب لا ينتهي من المشكلات ومن مشكلاته :
عدم نسب الاولاد , الفتاة تصبح معلقة اذا تركها زوجها واذا مات ,
الاحباط لمشاعر الفتاة , اهدار حقوقها ..
وكل داه وغيرها من الاسباب وممكن نعالجها من خلال :
زيادة الوعي الديني والثقافي وداه من رأيي اهم الاسباب
لان بالدين والثقافة كل الظواهر السيئة حتختفي من مجتمعنا .
لازم يكون فيه رقابة على وسائل الاعلام واللي بتعرضه .
مراقبة ومتابعة مستمرة من الوالدين للابناء .
غرس القيم والمعايير السامية والاخلاق الحميدة في الابناء منذ الصغر .
تسهيل عمليات الزواج للشباب وتذليل العقبات امامهم .
الزواج المبكر للشباب .
وضع مراقبة في الكليات لملاحظة الاختلاط بين الشباب والفتيات .

توبيك رائع
وديه اول ظاهرة
وانتظروا باقي الظواهر في القريب
ان شاء الله

على فكره الزواج العرفي مش مع الشباب بس
ده فيه كبار ومتجوزين عرفي
وله كذا طريقه وكذا سبب للزواج يعنى مثلا واحده زوجها توفي وهو زوجها موظف واما توفي طبعا لو هى اتزوجت المعاش بتعها هيروح منها حسب قوانين الحكومه المصريه هتعمل ايه غير كده
ده سبب
وبالنسبه للرجل
واحد عايز يتجوز على زوجته هيعمل ايه لو اتجوز على سنه الله ورسوله طبعا زوجته هتعرف لانه لازم تعرف لو على سنه الله ورسوله انما العرفي عادى الحياه سهله بالنسبالهم
انا مش بقولك كده انى مقتنع
لالالالالالالا
انا بقولك اسباب انهم يلجئو للحل ده
وكمان في حاجه تانيه بالنسبه للشباب
واحد شاب بيحب بنت مش مهم بقي ان كانت معاه في الجامعه في المنطقه بتاعتهم واالد البنت طالب حجات فوق طاقته هيعمل ايه هيسرق ولا يقتل ولا هيعمل ايه؟
بيقوم عامل كده
مصر لو اتصلح حالها هتكون احسن بلد في الدنيا انما شعبنا ده
بيجرى ورا حاجه واحده
رغباته وشهواته
وبتختلف من حد للتانى
واشكال مختلفه
ربنا يصلح حال كل الناس وحالنا وميرسي علىمرورك الجميل جدا جدا ده

ايوة يا تيتو ما انا كنت بقصد الزواج العرفي الباطل والحرام
اللي بيحصل في الجامعات .
لكن فيه زواج عرفي زي الزواج الرسمي بالظبط بس ما بيكونش موثق
رسميا في الجهات المختصة .
وانا ماليش دعوة بداه انا بتكلم عن التاني اللي كل واحد يكتب ورقة
وفي النهاية يبقى زواج حبر على ورق .
وفي الاول والآخر داه بيرجع للاهالي اللي بتزودها اوي
وبيحسسونا ان الزواج داه صفقة مش ارتباط بين اتنين بيحبوا
بعض وهما السبب في ان الشباب يلجأول للحاجات الغلط ده ..

ميرسي يا تيتو

ايون صح والله
في اهالى المفروض انهم من كلاممهم يعنى يقولك انا بامن بنتى
ههههههههههههههههههههههه
سمعت الكلام ده كتييييييير
اكتبلها كذا وكذا وكذا وكذا
اكن هتتجوز مليونير
ههههههههههههههههههههههههه
احنا في زمن عجيب مش عيبنا والله ما احنا شباب زينا زيهم بس ياريتت الاهل يهدو شويه في طلباتهم الكتيره
ددى
والمهم االشاب نفسه طالما كويس يبقي خلاص يوفقو عليه
وعشان مالجئوش للججواز العرفي ده
وميرسي على متابعتك ياسمسومه

فعلا ياريت كل أب وكل أم تعرف الكلام داه ويقدروه .

وياريت كمان
انهم يصحبو اولادهم
مش يعاملهم معامله ان اب وام
لالالالا
انا مثلا عندنا في البيت
بابا وماما اصحابي مش بابا وماما
ووعارفه هقولك على حاجه كمان
لما مثلا بكون خارج اقابل مثلا حد من اصحابي لازم اعرفه على بابا الاول
وبعدين يبقو صحاب عشان يعرفو انا مصاحب مين
ويارب يااااااااارب كل اب وام يبقو زى بابا وماما كده
ميرسي ياقمر على مرورك

يارب يا تيتو
والله لو عملوا كده يبقى كل مشكلات الشباب حتتحل
ويبقى عمرنا ما حنتعب ولا نعمل حاجات غلط .

امين ياااااااااارب

ايه بس المواضيح الجامدة دى

انتوا كنتوا مستنينى لما امشى وتنزلوا المواضيع الحلوة دى
الموضوع تحفة يا تيتو بجد تسلم ايديك
وانا بقى من العادات السيئة اللى نفسى تزول من الحياة هى المجاملات
مش عارفة الناس بتستفد ايه لما تجامل شخص
وبعدين المجاملات دى يتدخل تحتلائحة الكدب
وانا مش بكره فى حياتى قد الكدب
وكل لما افتكر حاجة نفسى تزول من الحياة هدخل اقولها
ميرسى ليك اوى يا تيتو
تقبل مرورى
ولك تحياتى

ميرسي ياساسو على مرورك
بس والله انا مش عاوز اشتغل جامد عشان اللى بيمتحنو دووووول
مش يتشغلو بالمنتدى اكتر من الدراسه
وفي نفس الوقت مش عاوز اوقف المنتدى
معدله صعبه شويه
ههههههههههههههههههه
وبااالنسبه للظاهره بتعتك
دى فعلا فعلا انا مش بحب لا اجامل حد ولا حد يجاملنى لانها جايه من الكدب زى ماقولتى وكلامك صح ميه في الميه
وميرسي وانا مستنى اهو باقي الحجاااااات
وميرسي على مرورك مره تانيه

يارب يخلصوا على خير ويكون باالنجاح لكل الناس

انا كمان عندى ظاهرة تانى نفسى مش اشوفها
وهى :الهجرة لبلاد اخرى سوء كانت شرعية او غير شرعية
صدقونى مهما كانت البلد مش حلوة وفهى احسن من غيرها كفاية انك لما بتقول اه بتلاقى كل الناس جانبك حتى لو مش يعرفوك
وميرسى ليك تانى على الموضوع
تقبل مرورى

بصراحه مش متفق معاكى ياساسو
الكلام اللى بتقوليه ده كان زمااااااااااااااااااااااان
وزمان اوى اوى
انمات دلوقتى اللى بيمدلك ايده بالخير عاوز بالايد التانيه ياخود منك
مهما كانت ظروفك اايه
ماعادشش في حد بيخاف على التانى كلو بيقول انا فوق الجميع
وزى مابيقولو
ان جالك الطوفان حط ابنك تحت رجليك
واللى بيمشي من البلد دى بيبقي خلاص
مالقاش فايده غير انه يسيببها مش مسافر يهزر يعنى
عشان اما يرجع يععرف اللى هنا بقي ايه اما اشتغل بجد
واللى هنا مش كانو يعرفو قدراته ايه
وميرسي على مرورك
الجميل ده ياساسو وارجو ماكونشي ضايقتك بكلامى

قولتلك قبل كدا انا مش بزعل من حد خالص الا بقى لضرورة القصوة ووقتها قلبى مش بيسامح يعنى قلبى بقى علبت بلك اسود ههههههههههههههههههههههههههههههههههههه

طالما سمحت مرة واتنين ومش قدر يبقى مش يستاهل السماح تانى
وخلينا كل مرة نجيب فى سيرة الناس والنميمة دى هههههههههههههههههههههههه
هههههههههههههههههههههههههههههههههههههههههههه
المهم بقى والله فى ناس كتير لسة بتحب الناس وبتساعدهم وهقولك بقى انت قولت زمان ليه
ودى الظاهرة اللى نفسى تزول من المجتمع ودى بقى اللى خلتك تقول ان المساعدة دى كانت زمان

الظاهرة هى الادمان والمخدرات
انا نفسى بجد كل شاب بيشرب اى نوع من اى مخدر بيص لتفسه واهله
وويعرف انه بيضر نفسه وبيضر المجتمع
يا تيتو الناس بقت مش فى وعيها
ربنا يهيدهم كلهم علشان تطلع لفوق زى ما كنا زمان اعظم الحضارات
والله مواضيعك كلها تحفة بجد وبستفيد منها اوى
لك تحياتى
ومعلش طولت عليك

مهو ان كان متسطلشي من المخدرات هيتسطل من اللى بيشوفو
كل حاجه في بلدنا بقيت مولعه نار عاووزنا ناكول في بعض ونقتل بعض عشان خااطر لقمه العيش بس يعنى لسه في ولو واحد في الميه رحمه في قلوب الناس بس لواتشالت يااااااااه على اللى هنشوفو بعد كده
المخدرات والحجات ديه الناس بتلجألها عشان اللى بيشوفوه
وميري على متابعتك الجميله ديه

الحاجه اللى بجد نفسى تتغير "الكدب" لانه بقى فى كل حاجه وبقى السبب فى دمار كل حاجه

يسمع منك ربنا
نفسي الحكايه دى تتلغي هتبقي الحياه احلا
ميرسي على مرورك واتمنى ان التوبيك يكون عجبك
تحياتى
sad angel

التوبيك جميل جداَ ياتيتو

تسلم افكارك الجمييييييله دى

والظاهره اللى نفسى تختفى ساسو قالتها

وهى المخدرات كل واحد مخنوق من حاجه يشرب مخدرات

كل واحد عاوز يتبسط يشرب مخدرات ايه هى المخدرات بقت الحل دلوقت

دى بتضيع الشباب والظاهره دى انتشرت اوووووووووووووووووووووى

والمخدرات بقت فى الشارع بتتباع زى البسكويت والشبسى

معلش ده اللى فكراه دلوقت عشان مزاجى وحش ومش فاكره حاجه خالص

ولما دخلت التوبيك مش رديت اطلع من غير ما ارد

وميرسى ليك ياتيتو

تقبل مرورى

زائر

اما انا بقى فى اشكلات الى بيحصل فيها ضرب النار
والسكاكين والكلام الغبى الى بيحصل ده
الى بيروح عليه الكثير من الشباب

شكرا ليك يا تيتو