:,,: ادخل ودردش معانا :,,:

يالا يا جماعة كله يشارك

وأنا حبدأ بموضوع جااااااااااااامد وعانيت منه كتييييير أوي في حياتي
وقررت انه يكون أول موضوع ندردش فيه كلنا وهو موضوع :

عدم التقدير أو انعدام التقدير من الآخرين

يالا منتظراكم كله يدخل ويتكلم من قلبه عن الموضوع داه وكل حاجة متعلقة بيه
سواء أكان عدم التقدير من صحابك أو حبيبك أو من آي شخص قابلته
في حياتك وتقول اية للي ما بيقدرش الناس , وعايزين كمان
تقول حاجة للي بيقدر الناس ومش بيتقدر منهم ..

يالا بسرعة وأنا حروح أذاكر شوية وبعدين حدخل وأقولكم عن مواقفي مع الموضوع داه
وازاي عانيت منه كتييييييييييييييير ,,,,
هههههههههههههههههههه
مستنياكم ,,,

الحمد لله انا امتحنت اول مادة وكانت كويسة والحمد لله
وعلى فكرة مرمر حلت كويس والحمد لله وبتسلم عليكم
كلكم وبتقولكم وحشتوها ....

ميرسي على متابعتك للتوبيك يا ساسو .
وهو داه كان رأيي من الأول يعني لو اللي مش بيقدرك
داه انسان عادي في حياتك يبقى اعملي زيه وعامليه
بالمثل وما تقدرهوش طالما وجودوا في حياتك مش مهم ,
لكن لو انسان عزيز عليكي أو غالي عليكي يبقى استحالة
فجأة حتتغيري معاه 360 درجة , يعني ممكن تنصحيه
وتعرفيه ان عدم التقدير داه ممكن يبعد ناس عنك وممكن يخسرك
حاجات في حياتك , وتعرفيه ان التقدير ولو بكلمة بسيطة
شيء جميل وحيخلي كل الناس حواليك , وخليكي انتي مقدراه
خليكي انتي الأحسن والأفضل عند ربنا وعند كل الناس
مومين عارف مش يمكن لما تقدريه هو يتحرج ويحس انه بارد
ويروح عادل طريقتوا معاكي ويقدرك , أصل فيه نا كده
لازم تحرجيها بس بأدب وذوق وتلاقيهم يرجعولك أحسن من الأول ...

أكيد يا تيتو في ناس تستاهل
انت ليه حاسس دايما ان ما بقاش فيه حاجة تستاهل خالص
ليه دايما بلاحظ انك متشائم في الحتة ديه بالذات
ليه مش عندك امل ويقين من جواك ان فيه ناس تستاهل ..
انا معاك ان فعلا اغلبية الناس وحشين وما يستاهلوش
واننا عايشين في غابة وكل واحد فيهم عاوز مصلحته
وعاوز يعيش حياتوا حتى ولو كان حيعيش على جثث ناس تانية .
بس بلاش يأس وخلينا نبص لقدام أكيد في ناس تستاهل انك تقف جمبهم
وتقدرهم وتساعدهم وتجبرهم انهم يقدروك ,
أكيد في يوم ربنا حيبعتلك واحدة تحبك وتخاف عليك وساعتها حتستاهل انك تعمل
المستحيل عشانها , وصحابك اللي هما كل حياتك يستاهلوا بردوا اننا نتغير ونغيرهم
معانا للأحسن وللأفضل .. دول مش كفاية انك تقدرهم حتى لو حصلتلهم حاجة
وخليتهم ما بقوش يقدروك دول ما يستاهلوش اننا نقف جمبهم ونضحي عشانهم ,
.. لاء طبعا يستاهلوا ..
وأنا مش بقول اننا حنقدرهم وندوس على نفسنا وكرامتنا
لاء بس على الاقل نعرف هما مش بيقدرونا ليه
وننصحهم ونوجههم وبعد محاولاتنا لما تفشل
ساعتها حيكونوا فعلا ما يستاهلوش آي حاجة
ولا يستاهلوا اننا دخلناهم في حياتنا في يوم من الايام ...

خلينا يا تيتو نعيش حياتنا واحنا ماليانين بالامل والتفائل
مين عارف ما يمكن ربنا يوفقنا ونلاقي اللي يستاهلونا فعلا ..

بصي انا الحمد لله
جربت بدل المره اتنين والمرتين بوصل لى مرحله الجد
وفي الاخر بلاقي هروب وحجات مش عاوز افتكرها كلو بيكون تحت شعار كلمه واحد
"كل شيئ قسمه ونصيب"
قد كده الكلمه دى انا كرهتها اوى
ومابقتشي احب اسمعها لانى عمرى ماكنت بلعب بحد بالعكس بكون جد جدا جدا جدا بس بشوف قصاد كل ده قصوه كل ده وعايزانى مكونش كده كان زمان عندى امل في الكلام ده
بس حاليا لا
مش مقتنع والله بحس انه ناس نادره اوى اوى اوى اللى بشوفهم محافظين على حبهم وعارفه انا بقف جنبيهم لحد مايوصلو لبر الامان ويتجوزو ويعيشو مع بعض ومايشووفوش اللى اانا شفتو
ربنا مايورى لحد اللى انا شوفته يارب
والحمد لله على كل حال وانا راضي بأمر الله

وبعد ردودكم الجميلة اللي كتبتوها عن عدم التقدير من الآخرين
أحب أقول خلاصة كل الكلام اللي احنا قولناه :
التقدير أهم شيء في حياتنا وله تأثير ايجابي في حياتنا
وبيساعد على استمرار آي علاقة اجتماعية سواء أكانت بين حبيبين
أو بين الأهل أو بين الأصدقاء .
وعدم التقدير شيء مؤلم فعلا لما تلاقي نفسك بتقدر كل الناس ومش حد
فيهم بيقدرك ولا بيقدر مجهوداتك .
بس معلش ياريت كلنا نحاول ننصح كل الناس اللي مش بيقدرونا وخصوصا
لو كانوا من الناس اللي مش ممكن نستغنى عنهم في حياتنا . ونقولهم قد اية التقدير
مهم حتى ولو كان كلمة صغيرة ونعرفهم ان عدم تقديرهم للناس حيبعد الناس اللي بيحبوهم
عنهم .
وياريت تخلوا المبدأ اللي بيقول " المعاملة بالمثل " آخر وسيلة تستخدموها في حياتكم
حاولوا وغيروا آه حتتعبوا بس والله مش حتخسروا حاجة يمكن تقدروا تغيروهم بدل ما
تبعدوا عنهم , عشان لو كل واحد منا عامل التاني بالمثل يبقى مش حنلاقي اتنين بيحبوا بعض .
وأحب أقول لكل واحد مش بيقدر صاحبه أو حبيبه : قدرهم حتى ولو بكلمة شكر , قولهم شكرا
قد اية الكلمة ديه سحرية بتحول التعب والآلام لأشياء جميلة وبتخلينا ننسى كل حاجة تعبنا فيها وبتساعدنا اننا نواصل ونكمل ..

وفي النهاية أقول كلمة أخيرة " قدر الناس عشان يقدروك "

موضوع هذا الاسبوع هو :
" العصبية في الحب "

كل واحد يقولنا الأول العصبية ودورها في حياتنا .
وازاي ان العصبية ليها تأثير سلبي في حياتنا .
وازاي ممكن تخلينا نخسر حاجات جميلة بسببها .
ومن رأيكم ان العصبي يرتبط بواحدة عصبية ولا بواحدة باردة ومش عصبية ؟؟؟
واكتر حاجة ممكن توصلك العصبية انك تعملها .
يالا مستنياكم ومستنيه ردودكم وكلامك عن العصبية في الحب ...

هههههههههههههههههه
ميرسي على كلامك يا تيتو اوي

واحب اقولكم ان عصبية لأتفهة الامور
يعني ممكن اقل حاجة تعصبني . وداه بقى نفسي
اتخلص منه بس مش بقدر غصب عني
باخد كل الامور على اعصابي وداه مسببلي مشاكل
ليا وللي حواليا بس الحمد لله صحابي بيعرفوا يتصرفوا
واحلى حاجة بقولها لكل اللي يعرفوني انهم يتجنبوني
وانا عصبية عشان ساعتها بقول حاجات يوووووووووووه
هههههههههههههههههههه
هههههههههههههههه
وبتعصب اوي اوي اوي لما الاقي اللي قدامي غبي لدرجة اني
ببقى عاوزة اطيروا من قدامي .
والباردين بقى اوعى وشك ما باشوفش نفسي قدامهم من العصبية
مش بقدر اتعامل معاهم خااااااااااااالص لاني مش بعرف ابقى باردة زيهم .
ههههههههههههههههه
ههههههههههههه

** هام **
أثبتت الدراسات النفسية في مجالات الطب النفسي
ان العصبي لازم يرتبط بواحدة عصبية , والسبب بيرجع
لان لما تكون انت عصبي ومرتبط بواحدة عصبية
هى حتقدر تستحملك لانها عارفة لما هى بتبقى عصبية بتكون عاملة
ازاي وبالتالي فهيا حتقف جمبك وتقدر صعبيتك وتمتصها ,
لكن لو انت عصبي وارتبط بواحدة من اخواتنا الباردين
يبقى ان شاء الله ممكن من عصبيتك ومن برودها تروح مموتها
وتخلص منها ومن تناحتها وبرودها ..

ههههههههههههههههههه
ههههههههههههههه

سؤال ليكم بقى :
هل هناك حلول للتخلص من العصبية ؟؟؟

هههههههههههههههههههههههههههههههههههههه
هههههههههههههههههههههههههههههههههههه
والله بجد في دراسات اثبتت كده؟

بس انا عن نفسي ممكن اقتل والله وحصلت وكنت هعملها بس شالونى من عليه
ههههههههههههههههههههههههههههه
كنت هموته هههههههههههههههههههههه
يلا حصل خير

سؤال ليكم بقى :
هل هناك حلول للتخلص من العصبية ؟؟؟
ههههههههههههههههههههههههههههههههههه
جايه تسأليني انا
هههههههههههههههههههههههههههههههههههههههه
يالهوووووووى ياريت يبقي في حل
عارفه في بتاعه بتتباع كده
كوره هى عليها شكل اسمايل مبتسم
بتقعدى تعمليها بي ايدك كده
والله جبتها ولما كنت متعصب من كتر عصبيتى كانت هتتقطع في ايدى
هههههههههههههههههههههههه
ومازلت عصبي
هو الافضل
انى ابعد عن الناس وبالاخص اللى بحبهم
عشان موش أأذيهم

آه والله فعلا في دراسات قالت كده
انا كلامي بجيبهولكم من مصادر موثوق فيهاااااااا
مش آي حاجة وخلاص
هههههههههههههههههه

وانا بقى حفكرلكم في حلول
بس يارب أنفذها أنا الأول
ههههههههههههههههه

ميرسي يا تيتو