:,,: ادخل ودردش معانا :,,:

تذكير بمساهمة فاتح الموضوع :

" أدخل ودردش معانا "

داه اسم التوبيك بتاعي يارب فكرته تعجبكم ,,

الفكرة بكل بساطة :
اننا حنختار كل اسبوع موضوع معين ,
وكل واحد مننا يدخل ويتكلم معانا ,
يتكلم كلام من القلب للقلب ,
والكلام هنا بمنتهى الحرية وكلام مفتوح ,
يعني اللي يدخل حيقول كل حاجة عن الموضوع داه ,
رأيه في الموضوع , المواقف اللي حصلتله في حياته بسبب الموضوع داه ,
نصايح يوجهها للناس عشان تحقق الموضوع داه ......... وهكذا
كل الحاجات المتعلقة بالموضوع داه اتكلموا عنها ,
لان هنا الدردشة مفتوحة من غير ولا أسئلة ولا حاجة .

*وأوعوا تنسى كل اسبوع عضو يختارلنا موضوع جديد ندردش فيه ,,

* ادخل واتكلم ودردش معانا وقول كل اللي جواك ....
يارب التوبيك يعجبكم وكلكم تشاركوا ,,,
تقبلوا تحياتي ,,,

تديسه يعني

اوكي انا موافقة

بس تجيب نتيجة معايا وساعتها حجبر كل عصبي انه يعمل كده

ههههههههههههههههه

ههههههههههههههههههههههههههههه
ايووووووووون
تدبيسه
هههههههههههههههههههههه
يارب تلاقي
عشان ده موضضوع انا نفسي مضايق منه
هههههههههههههههههههه

أنا قعدت وفكرت كتير بيني وبين نفسي
وتوصلت لحاجة واحدة ممكن نعمل بيها المعجزات
حاجة ممكن نتغلب بيها على المرض , وعلى العجز , وعلى الضعف , وعلى العصبية كمان
وهى :
" الارادة "
فعلا مفيش حاجة ممكن تساعدنا في اننا نتخلص من العصبية الا ارادتنا اللي احنا ساعات بنبقى ناسينها ومش عارفين قيمتها ولا قدرتها .
فارادة الانسان هى اللي ممكن تخلي يمسك نفسه في المواقف اللي بتثيره وبتثير عصبيته .

في الأول ياريت نؤمن كلنا ان بداخلنا اردة قوية حتساعدنا وحتخلينا نتغلب على عصبيتنا .
تاني حاجة فكروا كلكم الأول انتم ليه بتتعصبوا انا معاكم ان فيه مواقف كتيرة ممكن تعصب بس بردوا في مواقف أكتر منها بنتعصب عليها رغم تفاهتها وبساطتها .

وفكروا في اية نتيجة عصبيتكم ديه , انا معاكم ان احنا لما بنتعصب بنرتاح داخليا وبنبقى في حالة كويسة لاننا خرجنا كل الطاقة اللي جوانا في الانسان اللي اتعصبنا عليه طيب عمركم بقى ما فكرتم اية النتائج السيئة اللي ممكن تترتب على العصبية , ممكن تخسر صديق عزيز عليك , وممكن تجرح انسان غالي عليك , وممكن تتخذ قرار تندم عليه بقيت حياتك .

صدقوني والله لو كل واحد فكر قبل ما يتعصب في اية اللي ممكن يحصل نتيجة عصبيته ؟ يبقى عمرنا ما حنتعصب ابدا , عشان حنخاف على مستقبلنا وعلى الناس اللي بنحبهم ,
ولازم تعرفوا حاجة مهمة انه زي ما فيه ناس بتستحملكم وانتم متعصبين وبتعرف تمتص عصبيتكم وبتستحمل ردودكم وقت العصبية ممكن بكرة تلاقوا ناس تانية حتمل من عصبيتكم ومش حتقدر تستحملكم وحتبعد عنكم وفي النهاية عصبيتكم حتوصلكم نتائج مش حتقدروا تستحملوها .

الخلاصة بقى :
- خلينا في الأول نتفق اننا حنتعصب على الامور اللي فعلا ممكن تعصب آي انسان طبيعي
- يعني بلاش نتعصب ونفقد اعصابنا على امور تافهة وبسيطة .
- وقبل ما تتعصبوا فكروا اية نتيجة عصبيتكم .
- وفكروا دايما قبل ما تردوا بآي كلمة أو بقرار وانتم متعصبين عشان ما تندموش بعد كده .
- واعرفوا دايما عشان تتخلصوا من العصبية يبقى لازم يكون فيه عندكم ارادة قوية .

** أرجو ان النصايح ديه تفيد كل عصبي وأنا أول واحدو بدأت أحاول أجربها وكلكم لازم تحاولوا **
فالمحاولة أفضل من الاستسلام ..
والارادة فوق كل شيء ..

انا معاكى وانا الحمد لله عندى اراده وقويه كمان بس في حاجه في ناااااااس بتتعمد وتتفنن انا تعصبك بكل الطرق بأى طريقه المهم انك تبقي ديما حزينه ومهمومه وتخيلي كمان ممكن يكون اقرب الناس ليكى هما اللى بيعملو فيكى كده مش حد غريب ده يبقي ولا ينفع معاه اراده ولا قوى ولا تحمل ولا حاجه نهائي مفيش غير حاجه واحده انى اقول يارب ارحمنا من اللى بنشوفو في دنيتنا ديه
وميرسي جدا جدا على كلامك الجميل ده وبجد انا معجب جدا بكلامك وردودك ومتابعتك للمواضيع كلها عمتا من الاخر عقلك ناضج وكبير وبيعرف يحكم على قراراته كويس ارجو انى اكون صح في كلامى
ههههههههههههه

لاء اطمن كلامك صح لان الناس لما بتعرفني بتقولي كده بردوا .
الحمد لله أهو كل يوم بكتشف حاجة كويسة جوايا .
هههههههههههههههههه

وانا معاك ان فيه ناس كده وفعلا بتتعمد انها تعصبك وانا جربت الموضوع داه
كتير وبقابلهم كل يوم وأحسن طريقة انك تعمل اللي يعصبهم هما , هما بيعصبوك عشان
يفرحوا فيك ويحققوا رغبة ليهم انت بقى اتعامل معاهم ببرود اعصاب وما تترفز ولا تتعصب
عشان هما ما يوصلوش للي عاوزينه , ولما المواقف حتتكرر ويلاقوك مش بتتعصب حيزهقوا بقى
وحيملوا من كتر ما هما مش عارفين يعصبوك .
جربها مش حتندم عشان انا جربتها ساعات البرود بيبقى كويس اوي ما النوع داه من الناس .

انا ابقي بارد
يالهوى ده صعب صعب صعب مابعرفش
حاولت كتييييير وحاولت مع اخواتى وعادى ابقي بارد الاقي اى حاجه تقوم منرفزاااانى
ربنا يخلصنا من العاده الرخمه دى على خير لاحسن شكلى فيوم من الايام هتلاقونى خلف الاسوار
هههههههههههههههههههههههه

ههههههههههههههههه
لاء ما تخافش ان شاء الله ربنا حيساعدك وان شاء الله تحاول تتغلب على عصبيتك
مش حقولك ما تتعصبش بس اتعصب بدرجة بسيطة
وربنا يبعدنا عن خلف الاسوار
هههههههههههههههه

هههههههههههههههههههههههه
امين يارب بس انا بقولك لوحصلت يعنى ماتنسينيش في العيش والكباب اوكا
هههههههه

ههههههههههههههههه
لاء ما تخافش خاااااااالص كل الاعضاء عنيها علشانك
هههههههههههههههههه

ربنا يخليهم يارب الاعضاء دول
ههههههههههههههههههههه
وميرسي على الموضوع االجامد ده

الله يا ملوكة على الاختيارات الحلوة للمواضيع
انا بقى مش عندى اى نوع من انواع الثبات الانفعالى
ههههههههههههههههههههههههههههههههه
لدرحة انى حنينة جدا وبحب الاطفال بس لو طفل قعد يعيط جانبى كتير ممكن اخبطه فى حيطة
او اعيط جانبه
ههههههههههههههههههههههههههههههههههههههههههههه

هل هناك حلول للتخلص من العصبية ؟؟؟
اه فى حلول للعصبية وهى انك لو حسيت انك هتتعصب
استنى شوية وعد من واحد لعشرة وانت مركز فى العد ومن غير ما تفكر فى الموقف اللى عصبك
وقتها ممكن تهدى شوية او تفكر فى بعقل فى الموضوع
وكمان علشان مش يضيع حقك لانى مجربة ان العصبية بتضيع الحقوق بسرعة
ميرسى ليكى ياقمر على التوبيك
لك تحياتى

ميرسي يا ساسو على مرورك الجميل
وردك الأجمل
وفعلا حلك جميل ممكن نجربوا عشان نتخلص من العصبية
وفعلا انا كنت بسمع اسامة منير وكان بيتكلم عن العصبية وقال
اننا ممكن لما حد يقولنا حاجة تعصبنا نعد من 1 الى 3 وبعدين نرد
ولو رد بردوا علينا برد يعصبنا نروح نعد من 1 الى 5 وهكذا كل مرة نزود الاعداد ..

ميرسي يا قمر على حلك الجميل داه ..
ويارب يكون كل واحد مننا استفاد من النصائح والحلول اللي قدمناها ..

وموضوع الاسبوع داه :

الثقة بالنفس

يالا ادخلوا وقولولي عن الثقة بالنفس ودورها في حياتكم
وامتى ما كانش عندكم ثقة بنفسكم وازاي الشخص اللي ما عندهوش ثقة بنفسه
ينمي ثقته بنفسه ...

مستنياكم ,,,

أجمل شيئ انك تكونى واثقه بنفسك ومن اتصرفاتك وافعالك والا هتكونى انسانه مهزوزه داخليا وخايفه تعملى اى تصرف من غير ماتككونى واثقه انك صح ولا غلط
ياااااااااه ده انا كنت كده زماااااااااان
بس الحمد لله اتغيرت وبقي كل قراراتى من نفسي وانا واثق انى صح مليوووون الميه
وموش هكدب عليكى لو قولتلك انها لسه عندى عدم الثقه بس مش ف نفسي لالالالالالا في الناس كلها مش بقيت اثق في حد ويمكن ده من اللى شوفتو ووعود ولابقيت اصدق اى وعد حد يوعدنى بيه بس نرجع لى كلامنا عن الثقه بالنفس لازم ووضرورى كمان ان القرارات تكون الواحد واصق منها انه صح مليون الميه لو شك فيها ولو مره خلاص يبقي كل شيئ رجع لنقطه البدايه انه هيفضل خايف منتصرفاته وافعاله وكده وبجد ميرسي ليكى كتير كتير على موضوعك الجميل اوىاوى ده
ظزمانك قولتى ايه الواد الرغاى اوى ده
ههههههههههههههههههههههههه
يلا بقي عشان ماطولش عليكم
تحياتى
sad angel

لاء ولا يهمك انت ولا طولت ولا حاجة
احنا بندردش مع بعض
وانا حقولكم على الثقة بالنفس في حياتي
سبب اختياري للموضوع داه لاني فعلا جربتوا وعانيت منه سنوات
وعرفت قد اية ان انعدام الثقة بالنفس داه شيء مؤسف جدااااااااااااا
وحقولكم السبب اني اتفاجئت اني بعد ما اجتهدت وذاكرت ودخلت الامتحان في الثانوي
كنت واثقة ان النتيجة حتبقى اية ممتازة بقى على قد اللي ذاكرته بس للأسف طلعت النتيجة
ولقيت اني جبت 80% طبعا الدرجة ديه كانت بالنسبة ليا صدمة العمر قد اية حسيت ساعتها اني
ماعملتش اى حاجة وان سنة كاملة راحت على الفاضي وقد اية كل احلامي اتغيرت وكل داه
طبعا بقى عندي مصيبة كبيرة وهى الثقة بالنفس فعلا كانت مصيبة حسيت اني تحولت لانسانة تانية
كل حاجة في حياتي بعد ما كانت ماشية صح اتقلبت 360 درجة وبقيت شاكة في كل الناس وفي نفسي وكرهت الناس اللي ظلمتني وكرهت نفسي وبقيت من ساعتها وانا عايشة من غير آي هدف
كل حاجة أعملها أقعد أقول ما انا ياما عملت واية اللي حصل يعني وبعد ما كانت كل حاجة في حياتي باخد فيها قرارتي بنفسي وبتبقى قرارات سليمة أصبحت مش عارفة أخد قرار في أتفه الأمور
داه انا بقيت بخاف أمشي في الشارع آه والله ما تستغربوش انا حسيت ساعتها ان كل حاجة غلط في غلط ..
المهم كل اللي حواليا ساعدوني وحاولوا انهم يرجعولي ثقتي بنفسي وأولهم بابا لانه كان حاسس قد اية النتيجة ديه أثرت عليا وحاول انه ينصحني ويرجعلي ثقتي بنفسي وصحابي كمان وأقاربي وكل الناس والحمد لله انا مش حقول اتغيرت في ساعتها بس لما نجحت بعديها وجبت مجموع كبير أهو بدأت أستعيد من تاني الثقة بنفسي ...
معلش بقى انا عارفة اني طولت عليكم بقصة حياتي ديه ,
هههههههههههههههه
على العموم كفاية عليكم المرة ديه والمرة اللي جاية حبقى أقولك ازاي تستعيدوا ثقتكم بنفسكم ..
وياريت يا تيتو تقولنا تنصح اللي معندهوش ثقة بنفسه انه يعمل اية .
وميرسي ليك كتير .

اولالا ياسمسومه انتى هنا في مصر مش في بلد بتهتم بتعليم وده اللى خلانى موش اكمل باقيت دراستى يمكن سبب من الاسباب دههنا في مصر اعتمادهم على الفلوس اقصد الدروس الحراميه اقصد الخصوصيه
وزاكرى تنجحى غشي تجيبي مجموع ومجموع عالى كمان
دى مصرر اما بالنسبه للثق بالنفس وازاى تستعيديها من جديد فا هى بسيطه اوى اوى اوى
اولا لازم لازم لازم وضرورى انك تقعدى مع نفسك وتشوفي ايه انتى موش مقتنعه بيه ومش مقتنعه بيه ليه في حياتك وحاولى تعيدى نظر في حياتك من جديد اقولك ششوفتى لما الكمبيوتر بيهنج بتعملى ايه في زرار صغير كده اسمه ريستارت ياريت تعملى الزرار ده في حياتك وانا عملت قعلا ريستارت وبدأت من الصفر والحمد لله بقي معايا صفرين
ههههههههههههههههههههههههههه

انا عارفة ان التعليم مش مهم في مصر بس انا كان قصدي أوضحلكم
ان ممكن أبسط حاجة تخليك تفقد ثقتك بنفسك واللي حواليك .
وانا مش معاك في ان استعادة الثقة بالنفس بالسهلة لانها بردوا متوقفة
على ارادة الشخص ونظرته عن نفسه وممكن على فكرة تكون معاك سهلة
بس مع غيرك تكون صعبة جداااااااااااااا وخصوصا لو انك فقدت ثقتك بنفسك تماماااااا
زي ما حصل معايا كده ... ديه فروق فردية بين الافراد .

المهم انا من رأيي ان استعادة الثقة بالنفس مش بيجي غير بحاجة واحدة :
انك تعرف ايجابياتك وايجابيات شخصيتك وانك تقوم تعمل آي عمل حتى لو بسيط
المهم انك اول ما حتنجح فيه حتلاقي نفسك بالتدريج استعادت ثقتك بنفسك
انا عملت كده بس مش انا اللي شفت ايجابياتي لاني ما كنتش شايفة اى حاجة ساعتها
هههههههههههههههههههه لكن صحابي وأهلي وقفوا جمبي ووضحولي الحاجات
الكويسة اللي فيا وخلوني استعيد ثقتي بنفسي ... الحمد لله .
كانت فترة صعبة جداااااااااااا بس ربنا ستر ...

بس بردو انا مازلت عندرتئي بس الاهم ان الثقه رجعت يبقي انتى شخصيتك قويه موش ضعيفه بدليل انك قدرتى ترجعى زى الاول واحسن اكيد انما في ناس تانيه بتفضل طول عمرها تندم على اللى فاتها وتضيع عمرها على الندم ويارب كل الناس تعمل زيك كده

انا فعلا كنت ممكن أعمل كده لو فضلت قاعدة لوحدي أفكر في حياتي
لكن الاختلاط مع صحابي وأهلي أهو فادني واحدة واحدة اني أطلع
من اللي كنت فيه وطبعا لما بقيت أنجح في حياتي ودراستي
اكيد طبعا كله داه ساعدني ,, واستفدت كمان اني على طول أول ما بلاقي نفسي
حضعف بروح على طول مفكرة في آي حاجة ناجحة فيها حتى لو كانت بسيطة
وأهو الأيام ماشية والحمد لله ...
ميرسي كتير على رأيك الجميل ومتابعتك الأجمل

انا فعلا كنت ممكن أعمل كده لو فضلت قاعدة لوحدي أفكر في حياتي
لكن الاختلاط مع صحابي وأهلي أهو فادني واحدة واحدة اني أطلع
من اللي كنت فيه وطبعا لما بقيت أنجح في حياتي ودراستي
اكيد طبعا كله داه ساعدني ,, واستفدت كمان اني على طول أول ما بلاقي نفسي
حضعف بروح على طول مفكرة في آي حاجة ناجحة فيها حتى لو كانت بسيطة
وأهو الأيام ماشية والحمد لله ...
ميرسي كتير على رأيك الجميل ومتابعتك الأجمل

ايه هو مفيش موضوع جديده ولا ايه
هههههههههههههه
انا هقولك
موضوع ومضايقنى شخصيا
وهو ليه كل ما اجى افرح او يكون يوم كده صادفت وكان المود بتاعى تمام اوى
يجى حاجه تنكد عليه وبتحصل والله ديما انا بلاحظها وبحاول والله انى اتغاضه عنها واطنش
بس زى ماتقولى عند نفسي الاقي حل

اولا انا عجبنى جدا موضوع الثقة بالنفس دا

ومن متابعة الردود واللى حصل معايا
تقريبا وصلت لقاعدة
اننا لما بنكون لسة صغيرين بنحس ان شخصيتنا مهزوزة انما اول لما ندخل الجامعة بنحس بمسؤلية اكتر
انا عاوزة اقول انى كنت زمان بحس انى سلبيى ومش عندى القدرة اقول رأى
انما اول لما اتحرقت من الدنيا والناس اتعلمت ازاى اوقف قدام اى حد طالما على حق
يعنى رجعتلى ثقتى بنفسى
والحمد لله دلوقتى اغلب الناس بتخاف منى هههههههههههههههههههههههههه
هههههههههههههههههههههههههههههههههههه
وميرسى ليكى اوى يا ملوكة على الموضوع الرائع
<
<
<
<
اما موضوعك يا تيتو
فهى الدنيا كدا استحالة تخلينا نفرح على طول او نحزن على طول
يعنى ادينا بتقضيها يوم حلو ويوم مر
مع ان المر اكتر
بس ربنا يجعل ايامك كلها سعادة وممكن اقول نكتة تخليك تفرفش
ههههههههههههههههههههههههههههههههههههههه

ميرسي أوي يا ساسو على ردك الجميل ورأيك الأجمل وفعلا كلامك مظبوط
الواحد طول ما هو ماشي في الدنيا حيجرب وحيتظلم وحينجرح وكل داه
حيقوي شخصيته وثقته بنفسه ..

وبالنسبة لموضوعك يا تيتو:
هو فعلا بيتكرر معانا كلنا كل يوم انا من كام يوم قلت لماما نفس الكلمة عشان حصلت حاجة
فرحتني اوي وبعديها على طول سمعت حاجة زعلتني روحت قايلالها هو مفيش يوم
يعدي عليا كله حلو لازم اتنكد في آخر اليوم .
وخلاص والله يا تيتو انا أخدت على كده من الدنيا ان كل حاجة حلوة عمرها قصير
وحتى لما بقيت تحصلي حاجة تفرحني ساعات ما ببقاش قادرة افرح عشان عارفة ان الدنيا
حتستكتر عليا الفرحة وحتبعتلي حاجة وحشة وبما ان الحزن جاي جاي يبقى افرح ليه من الأول ..
هههههههههههههههههههه اية رأيك في الكآبة اللي على الصبح ديه .
ههههههههههههههههههههه

هههههههههههههههههههههههههههههه
وعلى رائي حماده هلال ليه كل حاجه حلوه عمرها قصير
هههههههههههههههههه
لا والله انا زهقت من الحكايه دى حدد ياحلو ياوحش عشان بزهق انا
هههههههههههههههههههههههه

موضوعنا النهاردة عن :

*

*

*

*

الحــــــــــــــــــب

بما اننا منتديات عندليب الحب
وبما ان اللي بيجمعنا في العمل في المنتدى هو الحب
يبقى لازم ندردش ونتكلم كلنا عن الحب
يالا كل اللي يدخل يقولنا الحب في حياته
وكل حاجة بخصوص الحب
وعلى فكرة مش شرط الحب بين الحبيبن لاء ممكن حبنا لاصدقائنا
وحبنا لأهلنا .
مستنياكم ,,,

» صريح جريء .. ادخل بسرعة
» صور من داخل البحر ادخل لا تتردد ؟؟ صور فى منتهي الجمال
» اخر البومات الفنان( ملحم زين )ادخل وحمل الاغاني كامله
» :::صور تستحق المشاهده فعلا ادخل وشوف بنفسك واحكم :::
» ادخل وحمل اخر البومات النجم الذهبي الشاب (تامر حسني)