:,,: ادخل ودردش معانا :,,:

تذكير بمساهمة فاتح الموضوع :

" أدخل ودردش معانا "

داه اسم التوبيك بتاعي يارب فكرته تعجبكم ,,

الفكرة بكل بساطة :
اننا حنختار كل اسبوع موضوع معين ,
وكل واحد مننا يدخل ويتكلم معانا ,
يتكلم كلام من القلب للقلب ,
والكلام هنا بمنتهى الحرية وكلام مفتوح ,
يعني اللي يدخل حيقول كل حاجة عن الموضوع داه ,
رأيه في الموضوع , المواقف اللي حصلتله في حياته بسبب الموضوع داه ,
نصايح يوجهها للناس عشان تحقق الموضوع داه ......... وهكذا
كل الحاجات المتعلقة بالموضوع داه اتكلموا عنها ,
لان هنا الدردشة مفتوحة من غير ولا أسئلة ولا حاجة .

*وأوعوا تنسى كل اسبوع عضو يختارلنا موضوع جديد ندردش فيه ,,

* ادخل واتكلم ودردش معانا وقول كل اللي جواك ....
يارب التوبيك يعجبكم وكلكم تشاركوا ,,,
تقبلوا تحياتي ,,,

ميرسي ياساسو وانا بعملل كده لما بكون مضايق اه بس بردو الاحساس انا بفضل احس بيه لم برجع لوحدتى من جديد
وده لازم ارجعله لان كل واحد مشغول بهمومه ومابقاش حد فاضي للتانى دلوقتى

فعلا يا تيتو الاحساس بالوحدة داه شيء فظيع وبيبقى أفظع لما بتحس بالوحدة وانت وسط الناس .
بس باختصار احب اقولك ان انا بردوا كنت بعاني من الوحدة لكن قدرت ان اتغلب عليها واكسرها مش 100% يعني بس والله اتغيرت وهزمت الوحدة لاني قررت اني انتصر عليها مش هى اللي تنتصر عليا , وقدرت ان اتغلب عليها .
واحب اقولك انك لما تبقى مع صحابك واهلك لازم تنسى همومك وتنسى مشاكلك ولو للحظات بسيطة تعيش فيها كأنك انسان تاني استمتع بالدنيا والناس اللي بيحبوك , وياريت ما تقعدش لوحدك كتير واذا اضطريت انك تقعد لوحدك يبقى لازم تشغل وقت فراغك تدخل على النت , تكتب توبيكات جديدة , ترسم , تكلم صحابك , تخرج , تنام ... المهم انك بلاش تقعد لوحدك لانك بكده بتزود همومك اكتر وبتخلي الوحدة تتملكك .
وانت والحمد لله عندك كاريزما عالية وكل الناس بتحبك والحمد لله يبقى ما تستسلمش للوحدة .
وانت باين من ردودك وتوبيكاتك انك عندك والحمد لله شخصية قوية وارادة قوية فخليهم يساعدوك فانك تتغلب على الوحدة وتنتصر عليها وتكسر قيودها اللي محاصراك وان شاء الله ربنا حيقويك ويساعدك بس اوعى تنسى الرادة يا تيتو اهم شيء حتساعدك انك تتغلب على الوحدة ان شاء الله .

صح يا ملوكة

وعلشان نخرج بقى تيتو من الاحساس دا هنحكم عليه يعمل موضوع كل يوم نكتة
وهو الى يقوم بالموضوع لوحده بقى بدبسه زى ما بيدبسنى هههههههههههههههه
ههههههههههههههههههههههههههههههههههههههههههههه
ولو قولت نكتة مش عجبتنا تقول نكتنين احسن منها
وانا بقى ممكن اغششك اول واحدة
ههههههههههههههههههههههههههههههههه
اضحك محدش واخد منها حاجة واتعلم تضحك حتى لو عندك هموم الدنيا
يعنى باللغة العربية بقى علشان الادبى لازم يظهر
اضرب الدنيا بعرض الحائط
تقبلوا مرورى
لكوا تحياتى

السلام عليكم
اولا وحشتونى اوى اوى اووووووووووووووووووووووووووووووووووووووووووى
انتى ياسمسومه وياساسو وميرسي ياساسو على كلامك الجميل وبتدبسينى ماشي ماشي
ربنا يخليكم ليا يارب ومايحرمنيش منكم ابدااااا
وانا رجعت اهو والحمد لله حالتى احسن من الاول بكتير اوووووووووووووى
راجع بقي وهتشوفو حجات حلوه ان شاء الله
واهمها اننا غيرنا الاستايل وشويت حجات كده
في المنتدى
وغير التوبيكات عليه انا
انا هنزل حجات يارب يارب تعجبكم
وميرسي على اهتمامكم الجميل اوى ده
ويلا بقي اسيبكم لاحسن تقولو ده رجع علشان يصدعنا
هههههههههههههههههههههه

حلوه اوى فكرة التوبيك ده

ميرسى ليكى ياملاك ع الافكار الجميله دى

ويلا بقى عاوزين موضوع حلو نتناقش فيه

والل هيقوله تيتو

يلا منتظرين

ايوة كده عاوزينك ترجع تنورلنا المنتدى
وفعلا باين عليك راجعلنا جاااااااامد مووووووووت
وده طبعا ظهر من شكل المنتدى التحفة
حقيقي مجهود راااااااائع
دايما يارب في تألق ونجاح مستمر
وتميز كالعادة يا تيتو
هههههههههههههههههههه

ميرسي كتير ليكي يا رنا
وبجد بجد منورة التوبيك
واستني بقى لما افكرلكم في موضوع جاااااامد نتناقش فيه
منورة يا قمر

جايالكم بموضوع جاااااااامد بس وروني بقى الردود الجااااااامدة عليه
الموضوع هو :

الرومانسيـــــــــــــــــة

ما هى الرومانسية من وجهة نظركم ؟ الرومانسية في حياتكم ؟
المواقف اللي بتكونوا فيها رومانسيين ؟
مناظر تثير وتحرك رومانسيتك وتجعلها تتفجر ؟
الأغاني التي بتعبر عن الرومانسية ؟

منتظراكم ,,,

جايبه موضوع ملوش علاقه بيه خالص
هههههههههههههههههههههه
لا بس يعنى كنت شويه انا رومنسي
بس خلاص
راحت
المهم
هقولك كنت زمان ازاى
مثلا مواقف رومنسيه
كلام كنت بكتبه وابعته للى بحبها
وهى كانت بتقول حلو معرفش بتجاملنى بقي ولا لاء
هههههههههههههههههههه
وياسلام بقي ايام المناسبات
ياااااااااااااه
ده ببقي فوق القمه الرومانسيه
كانت ايام
وحتى في اوقات احزانى وهمومى ومشاكلى الكتير
بردو كانت في حتت الرومنسيه ديه شغاله
هههههههههههههههههههه
المناظر بقي اللى بتحرك رومنسيتى الاغانى الحلوه
او الافلام اللى فيها قصص حب حلوه
واكتر فيلم بحبه اووووووووووى 90دقيقه بتاع ساموزين
هو قصه حب حزينه اه بس فيها وفاء وحب لدرجه عاليه اوى نادره اليومين دول
اما بقي الاغانى
عندك حبيب قلبي وعمرى تتيموووووووووووووووووووووو
وعمرو دياب بما انه متخصص الاغانى ديه
وفؤاد
بس
توبيك جاااااااااااااااااااااااااااااااااااااامد
اووووووووى وهقول اووووووووووووووووى لى اول امبارح
ههههههههههههههههههههههههههه
ميرسي ياسمسومه وشوفتيني وانا ميت
هههههههههههههههه
قصدى رومنسي
هههههههههههههههههههههههههه

ميرسي يا تيتو كتير على كلامك الجميل
واديك طلعت رومانسي أهو
ههههههههههههههههه
والله انا من رأيي ان كل انسان جواه رومانسية
بس ممكن ما يكنش واخد باله عشان ضغوط الحياة ومشاكلها والشغل وكده
لكن لما بيقعد مع حبيبته لازم الرومانسية تظهر على طوووووووووول
هههههههههههههههههه
وانا بقى حقولكم الرومانسية في حياتي المرة اللي جاية
ميرسي كتير يا تيتو واتمنى ان التوبيك يكون عجبك

ايه ياسمسومه فينك مابنشوفكيش خالص
يعنى انا اجى وانتى تمشي طب انا همشي بقي
هههههههههههه

لاء لاء انت عارف احنا ما نقدرش نستغنى عنك
بس والله كان فيه ظروف كده الايام اللي فاتت
وانا عارفة اني قصرت معاكم بس والله غصب عني
وان شاء الله حعوض اللي فاتني الفترة اللي جاية .

يارب تكون خير
وطالما غصب عنك يبقي خلاويص وربنا يعدل الحال معاكى يارب
وسمعتى اللبوم تيمو ولا لسه
اوعى تقولى لا
ازعل
ههههههههههههههههههههه
اول ماتسمعى اسمغى افتكرلي
جااااااااااااااااااااامده مووووووووووووووووووووووووووووووووووووت
وهتلاقي عل منتدى في الرابطه بتاعت تامر او في قسم الاللبومات الكامله
اوكا

ايوة سمعت اغاني منه مش كله لسه
بس بموت في اغنية افتكرلي - قرب كمان - ايام زمان

تمااااااااااااااااام
جامد الاللبوم كله على بعضه موش تيمو حبيب قلبي
بيغنى

وانا حكلمكم على الرومانسية في حياتي :
الرومانسية هى شيء جميل بيشكل جزء كبير اوي في حياتي
والرومانسية حواليا في كل مكان مع الحبيب أو في الطبيعة يعني بدخل الرومانسية في اغلب الحاجات .
كنت زمان وانا صغيرة قبل ما ادخل الكلية ماكانتش الرومانسية في حياتي
بشكل كبير وده طبعا عشان الدراسة اللي كانت مش مخلياني التفت حواليا
بس لما دخلت الكلية حاجات كتيرة اتغيرت واكتشفت اني رومانسية جداااااااااااا .
والرومانسية مع الحبيب بالنسبة ليا هى انك تحس ان حبيبك جمبك وتفكر فيه
حتى لو كان بعيد عنك وتسرح مع كل كلمة بتفتكرها ليه , اما الرومانسية في الطبيعة
هى انك تشوف منظر الشمس ساعة الغروب , او منظر الطيور في السماء , او انك تشوف
القمر منور في ليلة سوداء وحواليه النجوم , او منظر البحر ......... كل المواقف ديه الواحد
بيسرح معاها وبيتأمل فيها وبيروح ويتوه معاها في عالم تاني جميل رومانسي جذاب . كل ديه مواقف ومناظر بتفجر رومانسية كل واحد وتخليهات تخرج من دون انذار .
الافلام بقى كتير :
كان فيه فيلم هو قديم اوي بس بموووت فيه وبعيط معاه من كتر الرومانسية والحب اللي فيه
وهو فيلم " النهر الخالد " وفيه افلام تانية طبعا .
اما الافلام الجديدة ففيه بقى : انت عمري , 90 دقيقة , تيتانيك , حب البنات . كفاية مش فاكرة غير دول دلوقتي .
اما الاغاني بقى فمتعدوش : انا قلبي ليك , بكلمة منك , اتحدى العالم , قلب واحد , اجمل نساء الدنيا , حبيبي وانت بعيد , صدقني خلاص , وماله , قرب كمان ......... كفاية عليكم كده
ومن المطربين اللي بتوه معاهم وبسرح في اغانيهم : شيرين , صابر الرباعي , ساموزين ,
عبد الحليم حافظ , تامر حسني .
زمانكم زهقتوا خااااااااااااالص مني .

ياعيني ياعيني على الرومنسيه اما تطلع
هههههههههههههههههههههههه
اوعى
هههههههههههههههههههههههههه
ايه ياعم االكلام الحلو ده

ايه دا كدا برضو تتكلوا عن المورنسية وانا مش موجودة

بس كويس ان الكلام فاتنى
اصلى مش مورنسية خالص
كنت زمان مورنسية بس هى قعدت معايا شوية وبعدين مشيت اختفت
هههههههههههههههههههههههههههههههههههههههههههههه
بقيت واقعية جدااااااااااااااااااااااا ومش بحكم غير عقلى بس
بس لو كنتوا جيتوا زمان كنت قولت اشعار
بس المورنسية بقى دى بتظهر وقت الحب
بتحسس الشخص انه طاير ورجله مش على الارض
كانه فى قصر عالى بعيد عن الناس
وبيكون هادى جدا مش عصبى وبيسمع كل الناس بكل هدوء
واممممممممممممممم
خلاص كفاية كدا صدعتكوا
تقبلوا مرورى

امال اية يا تيتو انت فاكر اية
ده احنا ناس جااااااااااااامدة اوي اوي اوي
هههههههههههههههههههههههه

هههههههههههههههههههههههه
لا طبعا ياساسو
ده انتى استاذنا في الرومنسيه
هههههههههههههههههه
بس انا ماينفعش ابقي رومنسي
ههههههههههههههههههه
وصحيح ياسمسومه فينك موش بايه ليييييييييييييه
يارب يكون تكونى بخير

معلش الايام ديه مشغولة شوية
بس ان شاء الله الايام اللي جاية حتواجد معاكم دايما

ميرسي يا ساسو على كلامك الجميل ده ورومانسيتك الأجمل

ان شاء الله

وربنا يرجعلك لينا بالسلامه

وحشتوني اوي اوي اوي وجايلكم النهاردة بموضوع جااااااااااااامد
وعاوزة كله يشارك .
هو موضوع قاسي شوية وحيفكركم بحاجات مؤلمة بس معلش اصل انا محتاجة ان اتكلم عن الموضوع ده اوي اوي .

الموضوع هو :
الفـــــــــــــــراق

الفراق بالنسبة ليكم اية ؟ وهل تعرضتم قبل كده للفراق من اعز الناس ليكم ؟
وهل الفراق ده كان بسببكم ولا بسبب اللي حبتوهم ؟
وازاي ممكن الانسان يتغلب على فراق اكتر الناس واعز الناس عليه ؟؟

منتظراكم ,,,

الفراق بالنسبة ليا هو نهاية الحياة .
وأصعب احساس مر على قلبي هو احساس الفراق .
والفراق ده احساس فظيع بكل أشكاله يعني سواء كان فراق حبيب أو صديق
أو ناس اتعودنا عليهم أو ناس بنعزهم أو ناس اتعودنا عليهم من غير ما نقابلهم في حياتنا .

الفراق عندي واحد مع اختلاف انواعه وحتى لو الفراق ده لفترة صغيرة بردوا بتعذب جداااااااا
جداااااااااا ..
واصعب حاجة في الدنيا ان الواحد يتعود على حد ويخلصله ويحبه من كل قلبه ويخليه كل حاجة
في حياته وفجأة يبعد عنه سواء بالخيانة أو الموت أو السفر .

وانا بقى عانيت من الفراق في حياتي بشكل كبير جداااااااااااااا وده لسبب واحد هو اني
لما بحب حد أو بتعود على حد حتى لو كان الشخص ده عمري ما قابلتي بس جمع بينا كلام
بيبقى صعب عليا اوي اني أفارقه وأخرجوا من حياتي وبتعذب اوي اوي اوي .

وانا اتعرضت للفراق بجميع أنواعه وعانيت منه في حياتي أكتر من مرة :
يعني لما يسافروا الناس اللي بحبهم وغالين عليا .
ولما أفارق أحب الناس لقلبي .
أو يبعد عني أعز وأخلص أصدقائي .
وحتى لما بعدت عن المنتدي لفترة صغيرة بعد ما اتعودت ان كل يوم ادخل واتكلم معاكم لما بعدت عنكم رغم انها فترة صغيرة الا اني حسيت بطعم الفراق المر والصعب اوي اوي اوي .
وممكن انكم تستغربوا من كلامي ده ومن حقكم تستغربوا لاني بكلمكم من غير ما اقابلكم في الواقع ولا عمري شوفتكم بس خلاص اتعودت عليكم .
وهى ديه الحقيقة والله اللي انا حسيت بيها وده لسبب بسيط لاني اتعودت عليكم وأخدت عليكم
ودخلتكم في حياتي وبالتالي كان صعب عليا اني أفارقكم ولو لأيام قليلة ...

بس بالرغم من ان كل انواع الفراق صعبة جداااااااااا الا ان ممكن الانسان يتغلب عليها ماعدا نوع واااااااااااااااااحد صعب جداااااااااااااا علينا اننا نتغلب عليه وهو :
الفراق بس مش بالخداع او السفر لاء بالمــــــــــــوت .
هو ده في نظري أصعب فراق لانه عمره ماحيرجع تاني مهما عملنا .

يعني الفراق بالخداع والخيانة من الناس اللي بنحبهم ممكن نتغلب عليه باننا اكيد حنلاقي ناس تنسينا اللي خدعونا , وحتى الفراق بالسفر ممكن نتغلب عليه وننتظر اللي بنحبهم لحد ما يرجعوا , لكن اللي مات وفارقنا عمرنا ما حنقدر نرجعوا وعمرنا ما حنقدر نتغلب عليه لان الموت هو نهاية اى شيء وقطع الصلة نهائيا بالشخص اللي مات .

كفاية كده طولت عليكم اوي اوي اوي .
ومنتظراكم ,,,

» صريح جريء .. ادخل بسرعة
» صور من داخل البحر ادخل لا تتردد ؟؟ صور فى منتهي الجمال
» اخر البومات الفنان( ملحم زين )ادخل وحمل الاغاني كامله
» :::صور تستحق المشاهده فعلا ادخل وشوف بنفسك واحكم :::
» ادخل وحمل اخر البومات النجم الذهبي الشاب (تامر حسني)